بين الدروب ::: كلمات للشاعر / محمد العمده
بين الدروب
كلمات للشاعر محمد العمده
بين الدروب والحارات مشيت
ماشى ادور عالقلب اللى سرق
سرق اغلى مالى وشليت
اخد قلبى وغرقنى وغرق
احترت انا ولا اى طريق دليت
تهت وتاهت فيا كل الطرق
فضلت امشى لما استويت
ولا دلنى حد عليه اتسرق
طب قلبى معاه بلاه مليت
ياناس بصوا عليا بنظرة رفق
دلونى عليه فين الاقاه تمنيت
ان كان فى جبل عالى او افق
و فى بطن المحيط انا بصيت
املى الاقيه ويمكن القى نفق
امشى فيه مسافات ياريت
بس المهم حبيبى فين سرق
ولسه ماشى بين الدروب تعبت
وبين الحارات وسط كل الطرق
بس ياخساره بدور عليه لفيت
كل الدنيا وما لقيت له طرق
بين الدروب
للشاعر محمد العمده
المشاركات
0 التعليقات:
إرسال تعليق