هات ايدك $$ شاعر الغلابه أ / ايمن البلاط

 

هات ايدك
شاعر الغلابه
ايمن البلاط

هات ايدك فى ايدى
نعدى لبر الأمان

انسى ياحبى اللى
فاتك واللى خان

اوعى تندم عليه
ويخونك دمع عنيه

ترجع تانى تشكى
وتقول ايه رجعنى ليه

انسى كل اللى فات
واعتبره راح ومات

وابداء من جديد
الحياه خد وهات

قلبى وهبته ليك
وروحى بين ايديك

ماهو طول عمره شاريك
وكل نبضه بيناديك

هات ايدك فى ايدى
نعدى لبر الأمان

انسى ياحبى اللى
فاتك واللى خان

عرفت طعم الحياه
ونسيت العذاب والأه

لما بكون وياك
وشربت كاسك واللى حواه

هعيش وياك ايامى
وانسى معاك زمانى

قلبى ليك السكن
وقلبك هو عنوانى

لما بشوف عينيك
بتوه فى ملكوت تانى

اوعى يوم عنى تبعد
و تهوى غيرى وتنسانى

معاك نسيت احزانى
يامالك كل كيانى

سقيتنى الشهد كله
وهبتك كل حنانى

انا وانت احلى غنوه
كلماتها بسيطه وحلوه

خفيفه ع الودان
نسمعها فى كل اوان

هات ايدك فى ايدى
نعدى لبر الأمان

انسى ياحبى اللى
فاتك واللى خان

شاعر الغلابه
ايمن البلاط