أنا أتغيرت :: بقلم الشاعر حسام عماره

أنا أتغيرت 
أنا أتغيرت زى كل الناس 
حتى فقدت المشاعر والإحساس 
ومش لاقى لقلبى خلاص 
بدور كمان على ضحكتى 
وكل يوم بتذيد علتى
والضحكه بقت صوت شكوتى
صحيح كنت فى ايامى سعيد
وكمان فى قراراتى عنيد
لكن الدنيا لينا مابتدمش
صاحب يهجر وما بيلمش
وحبيب فى الخيانه ما يتوصفش
أيوه ضحكتى عاليه لفوق
لكنها بصرخة صوت مخنوق
من قلب ضعيف محروق
كان نفسه يعيش فرحان
فى دنيا العشق والحنان
مفيهاش غادر ولا خوان
أيوه ضحكتى بصوت مسموع
لكنها تمهيد للاه والدموع
أصل الحزن جوايا مزروع
عرفتوا أنا ليه أتغيرت
لا من صاحب ولا حبيب اتنصرت
علشان كده أنا أتغيرت
بقلم حسام عماره