إتمنيـــــــت.. بقلم الشاعرة المتميزة أ / عــزة وهـيـــب

إتمنيـــــــت.....
اتمنيت اعرف كل حتة ارض خطيتى عليها 
اجرى بكل قوتى و بروحى اداريها 
اخدها فى حضنى وارمى وجعى فيها 
امسك زمام امرى ..واحس ان رجع عمرى 
لما عرف فين سكتك
وازاى امشى عليها
نفسى المس كل حبة رمل
شافت شقاوتك
حبت رقتك
لمست ضحكتك وهى بتحضن دمعتك
نفسى اعرف ازاى
الخطاوى دى خطيتيها
اشتياقى لكل مكان
زارتة عنيكى لمستة ايديكى
خلانى اتوة فى دنيتى
خلانى اعيش فى وحدتى
كل ركن حواليا بينادى عليكى
ومفيش شئ بيرد غير دمعتى
وياريتنى اعرفاداريها
نفسى اسكن كل دار
فية شبت ضلوعك
احضن كل قلب خفف دموعك
نفسى فى لحظة تهون فيها حياتى
بس يكون فيها رجوعك
وياريت اااقدر بعمرى عليها
بس يا خسارة كل امنية اتمناها قلبى
مستحيل انولها
وكل كلمة جوة روحى بحبها
صعب ااقولها
وكل لحظة سعادة عشتها
بقا محال اطولها
او حتى اشاور من بعيد اناديها
نفسى احضن كل حتة ارض
خطيتى فى يوم
عليها
وارمى همومى جواها
واعيش عمرى الباقى
فيها...
نفسى ..نفســـــى
بقلمى
عزة وهيب