و النبي يا رب :: بقلم الشاعر المبدع / سعيد عبد القادر السيد

الأربعاء : 11/11/2015
الساعه : 8،10 مساءا
♥ سعيد عبد القادر السيد ♥
شعر عاميه
♥ و النبي يا رب ♥

زيارة الكعبه مره
حتى إن كانت عمره
نولهاني يا رب
نفسي فيها طلبه
و النبي يا رب
فيها ليل نهار
بفكر والعقل طار
العين بصيره
والأيد قصيره
أنت بس وحدك
قادر و قهار
و النبي يا رب
العمر خلاص بيفوت
يا مالك الملاكوت
مره قبل ما موت
و النبي يا رب
ده مش كتير عليك
كل شئ بأديك
تقول كن فيكون
أتوسل أنا إليك
و النبي يا رب
أسألك بحق محمد
خليني بالكعبه اسجد
ليك يا رب وحدك
أشكر أنا وآحمد
و النبي يا رب
من زمان بطلبها
ليا أه حققها
قلبي متعلق بيها
من زمان و حاببها
و النبي يا رب
استحلفك بكل غالى
حبيبك محمد الغالي
يا مبدل الليالي
بعزتك نولهالي
و النبي يا رب

♥♡♥ بقلب
سعيد عبد القادر السيد
شاعر ال ش و ال ش
الشرابيه و الشرقيه