‏آآآه_يا_جِـزَم‬ :: بقلم الشاعر المبدع أ / عمرو كندوز

عمرو كندوز

‫#‏آآآه_يا_جِـزَم‬

زي ما فـيه

ناس بـتلبس جِزَم

فيه

جِزم بـِتلبس ناس

أصل الضمير إنعدم

زي الفقير وإنداس

لما البنت تلمَع جَزمه

لما الكرسي ولما المنصب

يبقىَ خلافنا

ويبقىِ الأزمه

لما صراعنا هيضيعنا

ونفضل شعب

مالوش لآزمـه

يبقىَ آآآآآآآآه يا جِزَم

يا بِــنلبـِسك

يا بــِتلبــِسينا

تحت رجلينا بندهَسك

وبـيكي غـيرنا

بـيدوُس علــينا

آآآآآه يا جِزَم متلمعه

وبتبرُقي

في ملامح بنت مدمعه

وبتسرقيِ

آآآآآه يا جِزم متربطه

في رقبه الغبان

وبتخنُقي

طب ليه مع غيرنا حُنينَه

ومعانا بس بتحرقيِ

طب إمتى غيرنا

يخاف علينا

وضميره يصحىَ

يفهم يِحس

آآآآآه يا جزم يا بِـنلبـسك

يا بـتـلـبسِـينا

وأهو كله لِبس

.....

عمرو كندوز