إرحلي $$ للشاعر المبدع أ / جبريل رضوان

ارحلي
اااااااااا
ارحلي لو انتي
عايزة ترحلي
وانسي حكايتنا
كلها لو تقدري
بتشاوري عقلك
ولا ايه
ولا انتي ناوية تفكري
هوه انا لسة حاعرفك
عمرك ف يوم ماتقدري
كل اللي همك ياصيلة تغدري
بعتي القضية ياعزيزتي
من امتى كنتي بتعذري
بالف وش والف لون
وكل يوم تتغيري
هوه انتي مين وعايزة
ايه انتي ليه بتحيري
كنتي تقولي م البداية
لما انتي عايزة تهجري
وارحلي لو انتي عايزة ترحلي
اااااااااااااااااا
ارحلي مانا برضة ناوي
ع الرحيل
انتي طريقك غير طريقي
وانا مش حاكون تاني البديل
ضيعتي مني دنيتي
وكل شيء فيها جميل
انا اصل مليت الرجوع
عشان لقانا مستحيل
تاه الطريق اصلا معاكي
ملوش دليل
وانا حاامشي وحدي خطوتي
ومفيش بديل
ااااااااااااااا
مانا قلتلك م الاول
لازم نفترق
وبلاش نضيع عمرنا
اللي بينسرق
وبلاش نعيش بالوهم
وحياتنا دايبة بتنحرق
عايشين ف ليل الياس
زي الشموع بتنحرق
وحكايه تايه ماليها معني
مكتوبة بس على الورق
اااااااااااااااااا
عيشي الحقيقة وبطلي
كتر الكلام
عايشين حكاية ماليها معنى
كلها هجر وخصام
فضي الحكاية من غير
محايلة وابتسام
ومتوجعيش قلبي معاكي
وتوجهيلي الاتهام
وياريت ياستي ترحلي خليني
اعرف اهدا وانام
انا تعبت م الاشواق وحب
مفيهوش غير الأم
انا ياعزيزتي تعبت م الحب
اللي تايه ف الزحام
يله ارحلي يله ابعدي وبلاش
عتاب وبلاش ملام
ااااااااااااااا
جبريل رضوان