خيال كالعادة .... بقلم الشاعرة المبدعة / عــزة وهـيــب

خيال كالعادة ........
حسيت انى...
شفتها بعنيا ولمستها بايديا 
خدتنى فى حضنها وطبطبت عليا 
خدتنى معاها بعيد ...بعيد
وريتنى قلبى لما كان سعيد
وريتنى الدنيا من شباك
حيانتا الوردى
السما بلونها الازرق
والبحر الصافى وهو حاضن الشمس
وهى فية بتغرق
بلينا رجلينا فى المية
وضحكنا ضحكة صافية
مفيهاش وجع
لعبنا ع الرملة
وسمعنا صوت البحر جوة الودع
دندنا اغانى مليانة فرح سعادة
غنينا لشادية وحليم وميادة
ونسسينا همنا وحزننا
ونسينا اننا افترقنا
ونسيت انا
ان اللى انا فية دلوقتى
خيال كالعادة
ورجعت لوحدى دنيتى
ابكى حسرة والم على وحدتى
يا خسارة فرحتى ....
يا خسارة فرحتى
عزة وهيب