(سلعة بسلعة ) :: بقلم الشاعر المبدع / وحيد راغب

(سلعة بسلعة )
التعريفة
بتمشينى فوق من جرحى
وافضل اعاوى تخدنى الدوخة
واموت فوق شرحى
لا حد بيسمَع ولا يتسمَّع
وانزل بيرى واشرب ملحى
واكح بخنقة عدد دقات
القلب الرافض
يخلص منى
قرب الفجر ذكرت المولى
قولى يا ربى
قول طمنى
قال لى يا عبدى
مين ينصرنى أبقى له ناصر

لكن انتم وسط الصفحة
قتلتوا الخاطر
حتى الدمعة شربتم كاسها
ما يحوقشى فى كونكم
صابر
سلعة بسلعة
وخربشة والعة
وضرب الخلف بقالكم
سامر
حتى النورس أصبح عادة
وهجرة روح ما بقالهاش باتر
لف محيط الحب هاتوصل
إن الشوطة وصلت شطه
ببوصلة ساحر
سلطة ف مالطة
ومالطة ف سلطة

وجواز راحتك
سرقوا الناظر
الشاعر وحيد راغب