أميرة الخداع ::: بقلم الشاعر المبدع أ / حسام عماره

أميرة الخداع 
لو كنا حبينا من قلبنا 
عمر ما حد فينا أنجرح 
وصفينا النيه فى حبنا 
كان ليه قلبى فيك أندبح 
حسينا الغدر محدش قلنا
والخداع والكذب كله وضح
بعتى الهوى وبعتيني أنا
وبثمن رخيص بسرعه أنفضح
لو مظلومه تعالى عندى هنا
دافعى أتكلمى لو كنتى صح
قولى دليل يشفى جرح
وأنك صنتى العيش والملح
دلوقت بتقولى أنجرحت
وانى وعدتك تكونى أسعد الناس
نسيتى أنى بسكنتك أندبحت
ودمى قدام عنيكى أنداس
من حظك أنى فى هواكى سرحت
لأنى عارف معنى الإحساس
لكن لما دمى أنهدر وشاع
عرفت أنك أميرة الخداع
بقلم حسام عماره