يعنى اية الوحدة ... بقلم الشاعرة المبدعة / عزة وهيب

يعنى اية الوحدة ......
الوحدة انك تكون مع كل اللى بتحبهم ويحبوك
ومش لاقى بينهم اللى يفهمك من غير ما تتكلم
يحس بيك وانت بتتالم
ومن كل لحظاتة بتعرف وبتتعلم
الوحدة لما العيون اللى بتدفى قلبك
تغيب عن الوجود
وتلاقى نفسك بين الناس
مش موجود
لما كفوفك تتحرم من سلام المحبة
وضمة الصُحبة
واحضانك تبقى مخنوقة فى الدموع
ومحبوس كل احساس جواك بين الضلوع
مش لاقى حد تشكيلة اوجاعك
ولا قادر تفضفض بانينك
ولا حتى قادر تعلن وداعك
الوحدة ....
وجع جوة النفس محبوس
لا بيخرج للناس
ولا انت قادر تخلية محسوس
عزة وهيب