جمال الكلمة لها منبع مع الشاعرة عزة وهيب في رائعتها البحر ...مكانى الجميل ..

البحر مكانى الجميل 


مكانى اللى بتوة دموعى فية 


مهما بكيت او شكيت 

هو سرى

هو برى

...هو صوتى اللى مش قادرة اسمعة

هو دفايا ولحظة سعادتى

يا بحر ...يا بحر ...

لو تقدر رد سلامى

ضمنى جوة موجك

هون عليا الالامى

يا بحر ...

خد من جوة روحى وجع الذكريات

حنينى للاحبة

خوفى من اللى جاى

وحزنى ع اللى فات

يا بحر ....

اسمع صوتى وان بحكى على رملك حنينى

وانا برسم صورة حبايبى

وفرحتى اللى كانت هى نور عينى

يا بحر

رد التحية بشوية صفا

هدهد مشاعرى بحلم الدفا

يا ريت يا بحر تقدر تواسينى

وتفصل شوية

موجك عن دموع عينى

يا ريت يا بحر يا بحر 

عزة وهيب