لما مات صدام :: بقلم الشاعر / عصام دويدار

 ‫#‏لما_مات_صدام‬
لما مات صدام 
...............................
كنت عيل وقتها تعليم مدارس 
كنت فاهم اني فاهم اني دارس 
كنت بوصف كل عربي انه فارس 
مكنتش اعرف يعني ايه شيعه 
ودروز...........
ولا كنت عارف يعني أيه غزو 
الماجوس.......... 
كنت بفرح لما بسمع وصف الامريكان
علوج................ 
كان بيطلع راجل اقرع فاكره لسه 
لما كان ديما بيشحن جوه مني 
نار جحود................... 
لما يجوا الامريكان ولد العلوج 
اكبر ما فيهم جوا ارضنا راح يموت 
كنت بفرح كنت بدعي ربنا 
وأسكت وأسرح 
أمريكا دوله وإحنا مجموعة دول 
يعني أقوى .........
يعني لو دخلوا العراق 
هيموتوا جوا.......................... 
لحظه صابني فجأه خوف 
وبدأت ادورها في راسي 
وقلت أشوف........................ 
مصر فاتحه ليه القناه 
والسعوديه وجيرانها 
ليه هما مش واقفين معاه 
الطيرات اللي بشوفها كل يوم 
جايه منين............... 
والسفن اللي بتضربهم يوماتي 
مروا فين............ 
سؤال حزين......................... 
اللي كتبولنا التاريخ كدابين 
وصفولنا كل شمال يمين 
.................................... 
لما مات صدام عرفت 
كل حاجه اعرفها كدب 
وإحنا مش أقوى الدول 
إحنا زفت.......................
احنا العرب عايشين عواله 
امسحوا كلمة رجال قولوا خاله 
كل راجل وقتها كان اسمه هاله 
لبسونا طرحه سودا ولد الجبانه 
..............................................
فجأه جيش صدام خلع 
كأنه طيف ع الارض ماشي وإتبلع 
صابني الهلع................ 
في لحظه جيش دوله بحالوا يختفي 
راح فين كلامهم ان جيشهم جيش عفي
إحكي علي وطن العروبه الفولالي
وطن المآسي والمعازي المنحني 
.................................................
لما مات صدام
كانوا بيحاكموه في بلده
حفروا فيه قبره وكفنه 
كنا في العيد الكبير 
كلنا ضحينا عادي 
بس هما ضحوا بيه 
علقوا يومها المشانق 
شفناه علي اكبر تي ڤي
عيدوا علينا بضحيه 
والضحيه دا كان رئيس 
إفهموا ياساده القضيه 
اللي ينطق راح فطيس 
لما مات صدام 
....................................
عصام دويدار