قالوا عنصري مصري : بقلم الشاعر / خالد العطار

قالوا عنصري مصري
وقالوا مصري بس ..عصري
قلت لا أنا ده ولا ده
بس المهم .. إني مصري
يمكن أكون وحيد عصري ؟
ولاّ أقوللّك ؟
يا ريت أكون بس.. وطني
طب يعني ايه كلمة وطن ؟
يعني ما أكونشي عبد السيادة
ولاّ حتي عبد البيادة
ولاّ عبد لفكرة شاردة
ظن جاهل انها أصل العبادة
اني اكون خايف على أمي
وإني أحمي الدم
مهما كانت ديانته
برضه من دمي
وإني أطبطب عليك يا مصري
وبسم الله عليك أسمّي
يضايقك في ايه اني مسلم
واني عارف لربي
واللي رباه محمد
ومن عند ربه ..مربيّي
لأعرف تطرف في ديني
ولا تقليد أعمى
فى داهية مٌوَدّيني
ولا لية واسطة
ومحسوبية سانديني
غير إني مصري
وده شرف بيكفيني
يقولوا ...يا مصري
خالد العطار