لو كنتى صريحه :: بقلم الشاعر المبدع أ / حسام عماره

لو كنتى صريحه 
لو كنتى صريحه قولى كمان 
قولى أنى بهواكى عاشق ولهان 
طلعتك من اوهامك والحرمان 
ومليت أيامك حنين وحنان 
لو كنتى صريحه قولى كمان
قولى أنك مركب غرقان
مكسور فى دوامة موج عطشان
بينهي حياة العاشق لو خان
لو كنتى صريحه قولى كمان
قولى أنك طيف جواه غليان
زى جبل فوق حمم بركان
من نار الغدر يتفجر أحزان
لو كنتى صريحه قولى كمان
قولى أن الخيانه طبع الإنسان
بتجرى ويا الدم بنفس المكان
وينبض بيها القلب والشريان
لو كنتى صريحه قولى كمان
أصل أنا شايفك خيال دخان
أو حلم فى صمت مليان أحزان
أو صوره بريشة فوق الجدران
لو كنتى صريحه قولى كمان
أنا مطمعتش فى الجسم ولا الفستان
ولا بيت متزوق شيلاه عمدان
لكن فى الروح كنت أنا طمعان
لو كنتى صريحه قولى كمان
قولى أنى صنتك فى الوجدان
وكنت بعاملك بروح إنسان
طبعأ فهمانى واللى سامعنى فهمان
لو كنتى صريحه قولى كمان
بقلم حسام عماره