حفظك و عرفك $$ للشاعر المبدع أ / محمد أبو المعاطي

محمد أبوالمعاطى

 

بسم الله الرحمن الرحيم
حفظك و عرفك
..............................
ابص الاقيك اشوفك
الاقيك ساكن فى كهوفك
مش عايز تخرج منها
و لا عايز تخرج من خوفك
ياما قولتلك و غنيت
ياما وصلتلك لحد البيت
و لسه زى ما انته لسه
كإنى ب ادن فى مالطه لسه
مديت ايدى و شديت
خفت منى و انشديت
كإنك ما شفت بشر
عمرك ما حسيت بالأمان
دايما تحس انك فى خطر
هييجى منين الأمان و انته واهن
فاضل تمشى على إديك الاتنين و اراهن
اديتك الأمان و اديتك الحنان
فتنى انا الإنسان
و رحت لشيطان مسك
على الشك و الخوف حثك
مش عايزك تقرب منى
لإنك لو قربت بقيت كإنى
عايزك تفضل ضعيف و واهى
و عن الحق غافل و ساهى
افهم بقا لو كنت واعى
ربك هو الأمر الناهى
اخرج للدنيا من كهفك
و قول لأ للى يخالفك
و انا من ادامك و خلفك
و على يمينك و شمالك
و حفظك و عرفك
..................................
بقلمى محمد أبوالمعاطى