على وضعنا $$ للشاعر المبدع / صلاح الصغير عطا

صلاح القناوى

 على وضعنا

................
إحنا ..إحنا ..زى ما إحنا 
عمر ما غيرتنا الظروف
......
و

إحنا ..إحنا ..زى ما إحنا
مهما تعبنا وإنجرحنا
وفى حزننا زى فرحنا
قلوبنا ما تعرف طريق للخوف
......
فصدقونا مش راح تعرفونا
غير وقت الجراح تشوفونا
يومها بس هتعرفوا تقدرونا
لإن إحنا ..إحنا ..زى ما إحنا
وبنقولها من غير كسوف
......
وقت الشده رجاله
مافيش حد فينا عاله
ونزعل حد منا طبعا إستحاله
إحنا ..إحنا ..زى ما إحنا
......
نصارى زى مسلمين مش فارقه
ومراكب الفتنه على شطها غارقه
ولا عمرنا هوينا خلافات ولا فرقه
إحنا ..إحنا ..زى ما إحنا
......
إحنا صوت جيل بحاله
ربنا اللى عالم بحاله
راضى وعايش حاله ومحتاله
والعالم يشهد ويشوف
إحنا ..إحنا ..زى ما إحنا
.....
صلاح الصغير عطا