(قيصريَّة مش تمانِع ) $$ للشاعر والأديب / وحيد راغب

(قيصريَّة مش تمانِع )
البيان ف البورصة طالع
والخسارة نهار بيغرُب
الدولار ف الهتك بارع
والنفوس المرضى أقرب
سد ثقب ف سد مأرب
الغرق وصل الشوارع
هجرة الاحلام بتلهِب
لِم ناس سكنت غاابتها
واحصر الامواج
بريح
الضباع ما يفوتها عنزة
لو تركت الخوف يصيح
هِم لِم وكون جرىء
يا الله عبِّد ف الطريق
الدهون للكبد نكسة
خد علاج لو سعره غالى
نضَّف الشريان هايدفُق
مش يضِيق
قيصريَّة مش تمانِع
الجنين لو صاح هانفرح
بالخروج
والعناية تكون سقاية
والامان شرط العروج
خلِّل الخارجين بملحك
دا التوابل هيرمونات
مين يعيش من غير وجودها
هيَّة سر الاشراقات
هيَّة رخصة لمين يعدِّى
وطوق نجاة للانجازات
علِّم الادران بليلها
قوم وزيلها
وانسف الجوخ المعبَّأ بالغارات
مش ف ايدك الا بكرة
تندهُ بعزم الحياة
الشاعر وحيد راغب