دعوة حبيب $$ :بقلم.....د/ سمير فوزي عمر

Samir Fawzy

:::::""دعوة حبيب"":::::::بقلم.....د/ سمير فوزي عمر

دقة قلبك لحن حياتي...

رنة اسمك صوت نغماتي

رسمة طيفك راحة عيني

وانتي حببتي وكل سنيني

وانتي الهمسة وانتي الكلمة وانتي غنايا....

وانتي سكوتي وراحة عقلي فيك وهنايا

منايا مرة اسمع منك انتَ حبيبي...

منايا كلمة تهدى فيا كل شجوني

ياللي عنيا ماشية مهاها فين ماتروح

ودقة قلبي ترقى حببتي وروح الروح

وروحي هيا الحارس ليكي....

تبعد عنك اي جروح

فرحة عيني بيك ياحببتي عليا كفايا

ودعوة قلبي يسعد قلبك رب دعايا

بحلم ليكي تكوني الفرحة لكل الناس

بحلم قلبك يلقى مناه ويعيش احساس

بدعي ليكي كتير ياحببتي ماليني اخلاص

يمكن ربي ف يوم لدعايا مرة يجيب

وتعيشي الفرحة ماليا القلب ويا الراس

ويكون فرحك مالي الدنيا.....

ويدوم خيرك.....

وكف ايدكي....

كمان ينباس
 
....................."من ديواني ............عامية سمير فوزي"