دايما في بالي $$ للشاعر المبدع أ / ابراهيم حمدان

الشاعر / إبراهيم حمدان 

دايما في بالي

دايما في بالي
وفي القلب حطيتك
بس لقيتك في العالي
وهجرت ليه بيتك
كنت الأول مثالي
وعايش علي صيتك
سألت كل الأهالي
آلاقي فين غيطك
والقلب كان خالي
لحد ما جيتك
أدور في عز الليالي
يمكن أشوف خيطك
ومهما كان حالي
أنا برضه عزيتك
وصورتك في خيالي
والعمر كله حبيتك
ضحيت بنومي ومالي
وبشالي كمان غطيتك
عشان أقولك يا غالي
أنا عمري ما نسيتك

مع تحيات / ابراهيم حمدان
في 18 / 6 / 2016