بحلم بيوم $$ للشاعر المبدع أ / جبريل رضوان

بحلم بيوم
ااااااااا
بحلم بيوم مفيهوش
وجع من غير غيوم
بحلم بحضن يلمنا
ويضمنا وقت اللزوم
بحلم بقلبي اللي اتوجع
يخف من كتر الهموم
عايشين ف غفله مؤقته
بس اللي ساترنا الهدوم
الدنيا بحر ملوش قرار
مين اللي راح يقدر يعوم
بحلم بفرحة منورة ونعيش
حياتنا من غير غيوم
بحلم بيوم والحلم مشروع
مننا على العموم
ااااااااااااا
بحلم بيوم يكبر
ويكمل حلمنا
تكبر بلدنا وحضنها
حبضمنا
ساعة الشدايد
والوجع حيلمنا
ولا اي شيء
يقدر علينا يهزنا
يامصر ياللي شلتي
ياما همنا
يامصر ياللي هديناكي
والوجع كان مننا
رغم الام شيلتي الوجع
ولازعلتيش مننا
وفضلتي صابرة لما
يكمل حلمنا
طول ماقلبك كان
معانا معدش حد يهمنا
ااااااااااا
والحلم قرب والتعب
قرب يهون
والفرحة جاية والضحكة
حتبان ف العيون
حنور الضلمة الكئيبة
ونهز السكون
والصعب مش حيهزنا
ويهدنا مهما يكون
ده احنا رجال اجدع رجال
هدينا ياما كتير حصون
ومصر متشاله ف عيونا
وف كل قلب طيب حنون
ولاعمرنا فرطنا فيها
ولا علينا راح تهون
اااااااااااااا
جبريل رضوان