لو بينا ألف ميل $$ للشاعرة المتألقة أ / نـور الـشــروق

لو بينا ألف ميل
وقلوب مكتوم أنينها
وحواجز مستحيل
حالفه ما أعيش لحظة وداع
أو ينكسر منى الشراع
جوه مراسى الليل
مش هقبل سكوت ليالينا
وإن مات النبض فينا
مش هعلن إنكسار
وأهدم جبال الحزن
وأبنى من الألم حلم
شايله لبكرة نهار
وأعلنها لكل الكون
رأفض زمانى يكون
غربة وعذاب ورحيل
هقيدلك من ضلوعى شموع
وافرش لك الطريق بدموع
وأداوى سنين جرحك
وابعد عن العذاب فرحك
وأرسم بضحكتك أحلامى
جوايا بلاد عشاق
فأرد عليك بجناحى
وأغطيك بقلبى وروحى
وأملا دنيتك مواويل
لو بينا الف ميل
أعديلك بحور وبحور
وازرعلك جناين نور
وان كان زمانى حزين
هديلك شهور وسنين
وايام فرحى اللى جايه
مش هرضى بغربه هوانا
أو يموت الحنين جوانا
ونتوه مع التايهين
قادره أكمل المشوار
ولو كانت كل خطوة نار
لازم نكون عاشقين
بقلم سفيره الحب
الشاعره نور الشروق