ازجال مصريه صفيـــــــــه $$ للشاعر المبدع أ / فهمي عبد الله

ازجال مصريه
صفيـــــــــه
******
صفيه بنت مصريــــــــه
تحب الارض والميــــــه
على اكتافها هموم يامـــا
وفرحانه وتعبانــــــــــــا
تخش القلب من جــــــــوه

بسيطه وقلبها طاهــــــــر
سيرتها ف الكرم ظاهـــر
جمالها فوق ما تتصــــور
وتسحر م العيون ميــــــه

اصيله وطبعها حامــــــى
وراسها ف السما عالـــى
ماتركعشى لغيــــــــر الله
ما تعرفشى تقــــــول الاه
وكلمه حق عفويـــــــــــــه

اشوفها قلبى يطمـــــــــــن
على ولادى وتتفنــــــــــن
ف لقمه طريه وهنيـــــــه

وتقصدها تكون راجــــــل
ما تكرهشى غيـــر الباطل
وفلاحه واستاذه ودكتوره
كتير يا ما ف اوصافهــــا
ما هى ف الاصل قبطيـــــه

تشيل البيت على اكتافهــــا
تصون العشره مع جوزها
يغيب عنها يروح منهــــــا
و ساعه الجد فولازيــــــه

صفيه ف كل بيت مصرى
تشرفنى اكون مصــــــــرى
يا حظ الارض اللى شيلاكـى
يا بخت الشمس اللى حمياكـى
يا ام الطيبه ف عنيكــــــــــى
يا نسمه شوق معديــــــــــــه

ف كل مكان فخور بيكــــــى
وبدعى المولى يحميكــــــــى
يا بنت النيل يا حلم جميــــــل
يا صفيـــــــــــه
****
ازجال
فهمى عبد الله