أفديك بروحى وعنيه $$ شعر المبدع أ / محمد حجاج
أفديك بروحى وعنيه
حط إيدك ف إديه
وتعالى نتناقش بعقلانيه
نختلف ....بحضاره
وبلاش عنجهيه
لاتقولى مؤيد ولا معارض
احنا ولاد مصر العربيه
تعال نتكلم بحنيه
وبلاش تعصب لدا أو ديه
بلدنا لينا محتاجه
لكل شاب وشابه
نادت علينا البلد
ومفيش إجابه
عشنا ف البلد
والظلم كان عاده
العيب عيب البلد
ولاعيب اللى ظلمونا
نسينا مية النيل
اللى شربناها
نسينا الوادى
اللى أكلنا من أرضه
ذنبهاايه البلد
واللى بيجرى فيها
حرقنا وولعنا مبانيها
فصايل طلعت
كسرت مفاصلها
قطعوا الشجرمن جناينها
قطعوا طرقها وكباريها
وعطلوا مصالحها
خفافيش طلعت من جحورها
احتلت الميادين خلعت الأرضيه
حجر حجر وطوبه طوبه
حدفوا بيها العسكر والمدنيه
قتلوا الحريه والعيش
والعداله الإجتماعيه
شجعوا البلطجيه والحراميه
البلد مش عايزه اللى يهدها
عايزه اللى يبنيها
عايزه إيدك واديه
نبنى ونعلى
ونحارب المؤامرات الخارجيه
اللى حصل مش لصالحنا
دالصالح الصهيونيه
اعقلوا وخليكم إيد واحده
ويبقى شعارنا:
أفديك يابلدي
بروحى وعنيى
بقلم:محمد حجاج
0 التعليقات:
إرسال تعليق