.(ياريت يودعني) للشاعر المبدع أ / عبدالله السايح

........(ياريت يودعني)...........
بتقولي بعتك
طاب مين أنا باعني
من بعد غيبتك
وأنا قلبي بيوجعني
كسرت هيبتك!
هوه الغرام يعني
كان شاف في طيبتك
سفينة نوح ترجعني
والا'في حقيقتك
لسان بالفعل متعني
نسيتي خيبتك
لما إتفتح قلبي
وعطائي مانفعني
لما اترمى حبي
وندهت ماسمعني
داري الدموع خبي
قلبك مابيساعني
ديما بيلعب بي
كام مرة يخدعني؟
وأرجع وأقول حبي
يرجع يلوعني
وأنا بس إيه ذنبي!
وتعبت مانفعني
داب في الهوى قلبي
ماتقولي إيه يعني!
مش كنت ديما تقولي
بغرام بيلسعني
لا تقولي مين باعك
ولا لزمه مين باعني
حتى إرفعي شراعك
وياريت يودعني
ياريت يودعني
..........(شعر)........
عبد الله السايح