(سامحيني) بقلم الشاعر الكبير / عبدالله السايح

…… ..(سامحيني)……
ياامايا ياإسم على جبيني
سامحيني
مش قادر أرفع سكيني
وادافع عنك ياامايا 
مع إني بحبك وناسيني
والإسم وصورتك جوايا
مرسومه فى قلبي وشراييني
ياامايا ياإسم على جبيني
سامحيني
مش قادر أدافع عنك
وﻻقادر أكون نقطه فى دمك
وﻻقادر أشيل عنك همك
مع إنك القلب وعيني
ياامايا ياحب فى شراييني
سامحيني
مش قادرأرسم لي بدايه
وﻻ قادر أعرف لي نهاية
وﻻقادر أصون أي وﻻيه
مع إنك ياما بتعطيني
معلهش ياأمي سامحيني
ماانا ياما أخدت ومااعطيتشي
وصرخت فيك ومانسيتشي
ونسيتي وكرهتي عدويني
ودعيتي ربك يعطيني
معلهش ياامي سامحيني
ربيتي وكبرتي وصونتي
وكبرت ما شوفتش غيرك إنت
وطلبت كتير وبتعطيني
معلهش ياأمي سامحيني
أنا أصلي كبرت فى أراضيكي
وحبيت على أرضك وإيديكي
ونسيتك وﻻيوم نسيتيني
سامحيني ياأمي سامحيني
سببتك واتعلمت أعيش فى الكون
سبتك واتعلمت أكون ملعون
حتى الكلمه خنقها سكون
شجرة حبك طرحه جنون
أناوالباقي عليه يهون
هنت وهان حتى جنيني
سامحيني ياأرضي سامحيني
ياوطن محتاج لحنيني
محتاج للإيد ولعزم جديد
ولراجل غيري يحميني
أناأصلي بقيت من كل الناس
النخوة مفيش وﻻفيه إحساس
والقلب يادوب ينفع لي مداس
وعدوي صديق يمﻻلي الكاس
وسﻻحه ورود ومكان ع الراس
والغزو صمود واسعده بعيني
معلهش ياأمي سامحيني
أناأصلي نسيت ربي وديني
وعدوي حبيب وحبيبي همه عدويني
……… (شعر)… ..
عبدالله السايح