فلسطين عربيةرباعيات غنائية (لشاعر الوطن خالد العيسى صوافطــــة )

فلسطين عربيةرباعيات غنائية (لشاعر الوطن خالد العيسى صوافطـــــــــــــــــــــــة )30حزيران
1ياناس فلسطين عربية
وشعبها بحب الحرية
صهاينة دولة إرهاب
وأمريكا راس الحية

2ياناس اسرائيل عنصرية
بتدها تطمس لشعبنا الهوية
وإذا رضينا بفعلهم
رب السماء يغضب عليّ

3ياناس حرمتنا بتنداس
وحنا بالوطن أساس
من عصابة متطرفين
والكل منهم إجرامية

4أشبعوا العالم شعارات
وشنوا علينا الغارات
حتى أطفالنا بالقمطات
صاروا دروع بشرية

5ياناس هم عصابة مستوطنين
الحاقد منهم والبراليين
ولظل أقول عاشت فلسطين
ويشهد رب البرية

6واسمع ياعدوي
ورصاصك بدوي
أنا أصل النخوة والمروة
ولو صابني ألف شظية

7 أنا ياعدوي ثائر
مش خطيب منابر
وكابر ورثنا الثورة عن كابر
حتى رضيعنا مايرضى الدنية

8ومن طوباس وجبل النار
وجنين وكل الأغوار
وفي غزة شعبي ثار
والكل ينادي ياخيّ

9هذي القدس قدسنا
وغزة عزت نفسنا
ويارب تحمي أقصانا
وترابنا ومالنا وغرسنا

10عليكم الزيتون بنادي
فلسطين أرض أجدادي
وهيك علمنا الأجداد
كيف نحارب الأعادي

11ويا أهلي ردوا الصاع بصاعين
تبارك أياديكم فلسطين
حنا شعب الجبارين
حنا شعب مايخشى المنية

12ياناس الياسر علمنا
كيف نرفع علمنا
وحنا والله ماسلمنا
والواحد منا يسوى مية
13ياناس اسمعوا شوصار
شعبي هب وثار
حنا شعب الياسر
وهيك علمنا الختيار
14 لغير الله مانركع
ولو قصفونا بمدفع
القدس إلنا مرجع
ومن كل الأقطار العالمية
15وين رايات السلام
وشعبي ساكن في الخيام
أقسم بالله ما أنام
حتى يعودوا للوطن سوية
خ ال د 60 بيتا