** القرآن الكريم ** بقلم الشاعر / محمود بيومي

محمود بيومي

** القرآن الكريم **

ربنا الواحد يا قادر
يا رازقنا يا كريم
يالّي كل الكون في كفك
و انت له مالك حكيم
بشكرك إنك سامعنا
يوم ما ندعي يوم ما نسأل
نطلب الرحمة بفضلك
تستجيب و اللطف ينزل
و اغلى نعمة جبتهالنا
جاتلنا من غير سؤالنا
كلمة غالية
قمة عالية
إسمها قرآن كريم
نزّله القادر إلينا
شايله جبريل الأمين
جابه لمحمد نبينا
ده ختام المرسلين
فيه مودّه فيه سكينة
فيه صلاح العالمين
تقرا فيه يرتاح فؤادك
تتبعه تبلغ مرادك
فيه صلاحك فيه رشادك
فيه هداية المحرومين
تسمعه بصوت السديسي
تلقي نفسك جوا جنة
و الشريم يقرا يرتل
ينشر الأزهار و حنّه
تسمع الطبلاوي تهدى
تسمع المنشاوي تروى
و المعيقل صوت يجلجل
في الحرم و الكعبة نسمة
و المصاحف في المساجد
و احنا بين راكع و ساجد
و المقارئ دايرة نايرة
تخزي ألف شيطان رجيم
ترتيلات تجويد قراءة
بشرى جنات النعيم
هو قرآنا الكريم

** همسات رمضانية .. محمود بيومي * *