بكرة نبدأ بالكلام :: بقلم الشاعر المبدع / محمد سالم

بكرة نبدأ بالكلام
************
إنتهى بنا الكلام وإتهدم برج المحبه والسلام
واللى ماشى واللى عايش ويا إبليس الهُمام
اللى كافر واللى عافر نجل ماينول الذمام
أخرك طريق الموت بِعت توب بلدك بكام

وإنتهى بنا الكلام وإتهدم برج الحمام
برج طير أبيض جميل برج عايش للسلام

واللى باع فينا وخان كان بيبدأ بالملام
اللى عايش بنا كافر بالمحبة والوئام
اللى باع أهله ودينه واللى كان عارف ينام

بكره هيعود الحمام نفس برج جداره عالى بالسلام
بكرة تار والدم عار بكره يتهد الحصار بكرة يتشد اللجام
بكرة تندم بكرة تفهم بكرة تسمع بعد مايعود الذمام

بكرة ترجع لينا غاليه بكرة ترجع لينا عاليه
بكرة نبدأ بالكلام
محمد سالم