غبى معتوه :: بقلم الشاعر المبدع / صلاح الصغير

غبى معتوه


---------


يا أرهابى إقتل و إعمل مابدالك


والله جهنم فى الأخره مكتوبه لك


وموت ألف أو مليون عشان ترتاح

لا هترتاح ولا تنول اللى على بالك

--------------------------

غبى معتوه ومضحوك كمان عليك

ويوم عن يوم يزيد الدم فى إيديك

قالولك الجنه ده معموله ليك

وروح فجر نفسك وأمك دعيالك

------------------------------

هو أنت ماتعرفش عن حرمه الدم

ولا تحرق قلوب الناس وكل أم

ده حرمة الدم عند الله شىء مهم

بس أنت تافه وأتفه منك حياتك

-----------------------

روح ياخسيس الله لايسامحك

ياندل والخيانه عايشه فى دمك

إتبرا منك أبوك وقبله الوطن وأمك

هتغور فى داهيه ولا حاجه بقيالك

--------------

بقلم صلاح الصغير