بكام باعوك يا وطن ::: للشاعر المبدع / أ . محمد ضباشه

بكام باعوك يا وطن
للشاعر محمد ضباشه

بكام باعوك يا وطن
واشتروا مكانك أيه ؟
ما أنا ياما قلمى رطن
وهز عروش البيه
هو يقولى معايا
وانا اقوله لية ؟
ولسا الحرب ما بينا
مدام القرار فى ايديه
بكام باعوك يا وطن
طب قولى باعوا لمين
معقولة لحد شريف
ولا لناس واطين
وخدونا فوق الميزان
ولا لناس تانين
وأنا ما اعرفش ليه ؟
لسا معانا عايشين
وعمالين يقطعوا فينا
وحكامنا ليه ساكتين
والمشكلة فى قانون فاسد
وقضاه أكيد عادلين
بكام باعوك يا وطن
ماترد عليا وقول
وليه سلمت نفسك
لحبة ديول وعجول
فى رابعة كانوا بيقتلوا
وفى النهضة الحلال مشلول
وفى سينا ياما ادبحنا
وفى أى شبر نقول
لحد أمتى المهازل
والشعب تانى يثور