شئ مفهوم ::: بقلم الشاعر المبدع / محمد سالم

شئ مفهوم

***********************

لو هتعيش زمنك فى غيوم والأيام حواليك بتزوم

يصرخ فيك القلب ويبكى علشان عايش فيك مظلوم

كله هموم والأحزان جواه بتدوم من أحلامه بقى محروم

جوه جداره طوق مرسوم بين أوتاره نغم منظوم

تلقى الخوف حواليه بيحوم وسط ضباب زمنه المعدوم

وسط كتاب غدره المحتوم ويا جراحه يعيش مصدوم

يبدا يحكى ليك أوجاعه يبدا يشكى شئ مفهوم

يبكى طول الوقت عليك يصرخ فيك والصوت مكتوم

من احلامى ليه محروم جوه ضلوعك ليه محكوم

جوه كيانك نفس مكانك عايش ليه دايماً موهوم

وسط سواقى الزمن الدايره لما الموت يصبح مقسوم

محمد سالم

30-7-2015