..(البكاء على مين)… بقلم الشاعر المبدع / عبدالله السايح

…… ..(البكاء على مين)…… ..
يا قلبي ليه البكا
هوه البكا على مين
على مصري يوم اشتكى
من مصري للغازيين
أسرارنا ليه تتحكى
مهما القلوب قاسيين
ليه نرضى بالدربكه
أو نستعين بكوهين
ليه يبقى فيه معركه
أو يبقى فيه طرفين
وقلوب تعيش مهلكه
والغدر شر مبين
يا دمع كتر البكا
وما اتوحدوا الفريقين
والفرقة ضعف إن بدت
ومصر رايحه لفين
جوه البيوت إعتدت
الفرقه ع الأخين
وبالنقاش ما اهتدت
نار الخلاف فى العين
فى وقت إتوحدت
كل قوى الشياطين
نار الخﻻف اعتلت
القلب والشرايين
كفيانه أمه إبتلت
صبح الجبين فى الطين
بأمور كتير زلزلت
الأرض بالملايين
يا قلبي ليه البكا
هوه البكا على مين
على أي شيء فيه حكى
طرف اللسان والعين
…… .(شعر)………
عبدالله السايح