يما راجعين $$ بقلم الشاعر أ / محمود يكر شلطف

يما راجعين....محموديكرشلطف
لاتبكي يما
دمعه عينك غاليه
تنخر بقلبي..وتخنق صوتي
شفت دمعتك اول مره
وانكساره ظهرك
قبل سنين وانتوا مهاجرين
حامله عفشاتك على راسك
وجارة اولادك....تحميهم
وقدرتي توصليهم بسلام
بس نسيتي وراك مذبحه دير ياسي
وبلادنا وبياراتنا وتراب جدادنا
ودير طريف ...والرمله
وقلتي هم بينسيني اياه السنين
واولادي حولي
ومرت الايام...والجرح بداء يجف
والعين على البلاد ضعفت
ولا صرختك بدوي...على اولادك
اهربوا يما...راحت باقي فلسطين
وكانت هزيمه السبعه وستين
والضحكه....انهم قالوا انها نكسه
وصدقنا القايلين وفرحنا وغنينا مع عبد الحليم
ضاعت الضفه والجولان وقطاع غزه
ولحقتها سينا وجنوب لبنان الاسير
ورجعت امي تبكي من جديد
وصارت تبحثلنا عن مغاره اوخيمه
تحمينا اوتحمي خوفنا
وطمناها لاتخافي كلها شهرين اوراجعين
نزرع ارضنا ونجتمع من جديد
ونغني على دلعونا ودبكات الصبايا
وكبرنا وقويت سواعدنا وعلي صوتنا
سمعت فينا اسرائيل
وصارت ترجف من الخوف
وتترجا في العرب الغضبانين
ويزمجروا وهي ميته من الخوف
وفي غفله عملت عمليه صبرا وشاتيلا
وانذبح الفلسطينيين...واحنا مستنكرين
ونصبر في امنا ونقلها يما راجعين
وانضربت غزه مرة ومرات
ونقول بدناش ناذي اليهود المساكين
وصرنا بدل الحزب خمسين
وبدل التنظيم الفين
واليهود متخبيين في الضفه
بيتفرجوا علينا
والملاعين ماهم ساكتين
هجرونا في بلاد العالمين
واحنا نقول يما اصبري
كلها شهرين اوراجعين
ضربوا مخيم اليرموك
وعملوا فتنه السوريين
حرقوا حلب على المسلمين
ورجع ابن سبا
في بيوت العراقيين
فرقوا الاخوان كل واحد بدين
وجعلوا دينا دين ارهابيين
واحنا في الغفله نايمين
وباقي شهر اوشهرين
ترجعي يما واخواتي الضايعين
ونحرر ارض العرب
من المستعمرين
محمودبكرشلطف