طـبـيـخــي $$ للشاعر المبدع أ / محمد العليمى

طبيخى
******
طبيخى المر بسقيه 
مرقه من الصبار
المزروع فى 
بلكونه عند الجار
وكمان بطلت اعاتب
او اقبل الاعذار
وسامحت كل الناس
الغلاطه فى حقى
حتى الخاين والغدار
ولانى بحب جيرانى
وولادى واصحابى
واهلى واصحاب الدار
فسكت عن كلامهم
القاسى والمتلون والغدار
ومشيت وحدى وانا
حاقى انقى الشوك المحتار
وارميه فى السقيه المهجوره
فى ارض معروفه ببوار
بره أسوار وحدود
ولاد الخال ابو عمار
وعلمت ولادى ازاى يحبو
بلادى ويتحدوا الفتنه بالاصرار
وقولت انادى فى
صلاتى باسم الجبار
يصون الارض من
الفوضى قبل الاعصار
ويطرح فى قلبى الحكمه
ويعلمنى زرع الصبار
==============
بقلم//محمد العليمى///