خد خبره لبكره $$ للشاعر المبدع أ / مصطفي احمد

Mustafa Ahmed

 

;;;;;;;;;;خد خبره لبكره;;;;;;;;;

حمل وع الكتف توكل
ومسيرها بكره تتعدل
ولاقاعد ف البيت هتوكل
والفقر كابس يتبدل

يا عم خليها تعدي
والبركه ف اللمه وعيله
همه وشيل خد يدي
وبلاش تكبر يا حيله

وايه يعني غسيل اطباق
وللا نظافه ف دكانه
لو بره طبعا تشتاق
والصفر عدى كام خانه

والذل سيبك وايه يعني
ولا حد عارفك سوق فيها
خلاص ياسيدي سمعني
انا جاي حاضر هبنيها

الذل لو امد ايديا
كبرت اخد مصروف
فترة اجازه يا عنيا
لازم اعدل ف ظروف

والم كام قرش واحوش
واحرك الجسم واشقى
مش بعد متخرج ألوش
الخبره يا صاحبي ابقى

بقلم مصطفي احمد