وشوش للبيع $$ للشاعر المبدع أ / رضا حسب النبي
وشوش للبيع
انا جيت اشترى وش لقيت وشوش كتيرة
حاطونى فى مأزق وخلونى بقيت فى حيرة
قالو وش سعادتك اية
قولتلهم انا عاوز وش يضحك
فى وشوش جميع الناس
قالو صعب تلاقية دا بدايته من الاساس
قالو نشوفلك وش تانى
هاتولى وش حنين
للفرح يكون مبين وبالورد كمان متزين
ودة كمان خلص وتملى مش مبين
طب هاتو وش مؤدب وكمان يبقى خجول
قالو دا لسة طالع وباعه المسؤل
طب هاتولى وش راجل صاحب صحبة ياناس
فى وقت الشدة الاقية ويبقى فى غلاوة الماس
جابولى وش ياناس خالى من الأنفاس
هاتولى وش غيرة
جابولى وش غدار ولقيتة بيلعب بالنار
هاتولى وش غيرة
جابولى وش برئ وليا هيبقى صديق
طلع يناس خاين مدارى ومش باين
هاتولى وش غيرة
جابولى وش منور مليان بالسعادة
وكان لربة مطيع ومخلص فى العبادة
قولت هوا دا المظبوط ويارب فى الزيادة
وشوش للبيع
المشاركات
0 التعليقات:
إرسال تعليق