عاندي $$ للشاعر المبدع أ / سيد صادق

عاندي و عاندي ملكيش عندي
الا النسيان
مهما تنادي ...... حبك ماضي
كان ياما كان
الحدوته و جبنا آخرها 
ومفيش حتى ذكرى فاكرها
عادي بعادي و خيرها ف غيرها
زي ما قالوا أهل زمان

كنتي حبيبه و كنت حبيب
و زي ما سبتي برضه بسيب
كلمة كنتي ماهياش عيب
دي المفروض تبقى العنوان

بيني وبينك مين فينا باع
مين فينا زود ف الأوجاع
قلبي و روحي و بالإجماع
بيقولوا ان قلبك خان

سيد صادق