(مقدرتش) $$ للشاعر المبدع أ / إبراهيم بـدر

(مقدرتش)

مقدرتش يوم
إني انساكي...!
ولا أنسى 
همومك وأساكي
مقدرتش أنسى
أنا دموعك
طب ليه تطفي
كل شموعك؟
وحياتي
هتبدأ برجوعك
وصباحي
تلاقيه ف مساكي...!
مقدرش يوم
أنسى خيالك
ماهو حالي
بشوفه أنا ف حالك
والليل في
بعادك بقى حالك
أنا أصلي
في بعادك هالك
وبقول سبحان
مين سواكي .......!
ياقمري اللي
منور ليلي
تخاصمني بقول
يانا يا ويلي
دانا بلقي
عشانك مواويلي
تجافيني
وهفضل أهواكي...!
يا حبيبتي
يموت الشوق فيكي
وبشوف
الدنيا بعنيكي
أصل انتي كتاب
و أنا قاريكي
أنا نجمي
بيلمع في سماكي
مقدرش يوم
إني انساكي
ولا أنسى
همومك و أساكي

إبراهيم بدر عبدالله