خليك بعيد بُعدك كده ارحم.. $$ للشاعرة المتميزة / هناء صبري

 

خليك بعيد بُعدك كده ارحم..
لا قرب ريح ولا وصل نافع..
ولا عادش ليا الا بعادك ويا المواجع .
عشت اقول الحب هو السعاده..
اتاريه ضرب من الشقا ويا التعاسه..
ولما راحت منا السعاده..
هنعيش ندور عليها ليه ..
مهي جت وراحت معاه..
مع السلامه ..
وليه نتعب قلوبنا..
في قرب وشقا ..
وبُعد ووجع ..
خلينا نخف من دا هوي..
اصل الحب اصبح خلاص..
في الدنيا رمز الشقا ..
هو الداء ولا سابش دوا..
ادمَنا احساسه وقربه ..
بهدلنا وجوده وبُعده..
نعيش بقا بلا احساس..
واكيد هنلاقي في بُعده الدوا..
حَبَه بقا نرتاح..
القلب وربي انكوي..
ملعون ابو اللي يقول يا حب..
وم اليوم بعلنها قدامكم ..
بكفري بالحب وبالهوي..
‫#‏توءه_تءتوءه‬
💝**هناء صبري**