(مليون سلامة) ،، للشاعر المبدع أ / عبد الله السايح

.........(مليون سلامة)........
فى الحقيقه من دقيقه
كنت با اسأل قلبى فين
قلبى ميت والا' عايش
والا' بيحلم بالحنين
ميت سؤال متلخبطين
من سنين
لما بااسأل ببقى تايه
...والإجابه فى العنين
والعينين فيهم دموع
حزن أكبر م الضلوع
غطى حتى الشفتين
من الوجع قلبي إتوجع
ومن الآهات الحب فات
بس شايل كلمتين
أنت فين وأنا فين
ياحبيبتي من الألم
قلبي إتصدم
بقى من عدم
محتاج أشاركك
في الأنين
محتاج دموعي
من ربوعي
تبقى مطر وقت الخطر
تروي الحنين
مليون سلامة يايمامه
وتطيري من غير العلامة
ويبقى نورك ع الجبين
هاتي راسك بين ضلوعي
نفسي أضمك باليدين
هاتي كاسك أشربه
وبسلامة عيشي أنت في السنين
وإركبي الضحكة تاني
ضحكة كان منها جناني
وبلاش دموعك كل حين
إنت أقوى من آلامك
مهما كان هيكون مكانك
إنت حور وأنا قلت عين
...........(شعر)........
عبد الله السايح