وزارني الليل....!! $$ للشاعر الرائع أ / إبراهيم بدر

وزارني الليل....!!
ربط ليلي ركوبته
على بابي....
وكان ليلي معاه الويل
وسابه ف قلب محرابي 
وكانت عتمته طاغيه
لا همه ف يوم
عذاب قلبي
ولا مشغول بعتابي
بقوله ياليلي هملني
لا انا إنسان ولا جني
ولا خايف على فني
ورد الليل...!!
وقالي إنت أحبابي
وفاتت نسمة
قالتلي عواف
وجاني النور
وانا خواف
قام اتخانق مع ليلي...!!
وانا فرحان ومستني
هرب ليلي
وقالي إنه مستنظر
قاعدلي هناك بيتمخطر
لا عارف انام ولا أسهر
ولا أكتب ف قلب سجلي
هنا غيابي....!!
واقوله يا عين
وعيني تقولي ياليلي
وانا من ليلي...ياويلي

إبراهيم بدر عبدالله