رمضان الأحلى :: بقلم الشاعر المبدع / طارق شامخ عبدالجواد

طارق شامخ عبد الجواد

رمضان الأحلى

كل الأيام حلوه جميله

بس إنت يا رمضان الأحلى

في قلوبنا ليك عندنا قيمه

ياشهر الغفران والرحمه

أيامك بتعدي بسرعه

فيك الخير مليان بركه

لو كل الأيام كده زيك

كل الناس بالرضى تتحلى

كل الأيام حلوه جميله

بس إنت يارمضان الأحلى

أول لما يهل هلالك

وبنورك بتشق الضلمه

بنغني رمضان أهو جالك

ربك فاتح باب الجنه

يلآ يا مسلم أشكر فضله

سبح وأسجد هتنول وعده

ربنا قال على رمضان شهره

هيجازي بيه وكله بعمله

فيه باب الصايمين ف الأخره

اللي هيدخل منه يا سعده

واللي هيفضل كده على حاله

باقي ع الدنيا وعاصي لربه

يبقى بيجني أكيد على نفسه

والنار اولى بعضمه ولحمه

كل الأيام حلوه جميله

بس إنت يا رمضان الاحلى

في قلوبنا ليك عندنا قيمه

ياشهر الغفران والرحمه

بقلم /طارق شامخ عبد الجواد