{ قنديل المسا } بقلم الشاعر المبدع أ / اليان سمعان

---===000{{{ قنديل المسا }}}000===---
"""""""""""""""""""""""""""""""""""""""""""""""""
مرو الصبايا المسا قنديلهن سهران
---===000 {{{ متل ال كانو هيك شي حدا ناطر

حامل بايدو للحلى دفتر وميزان
---===000 {{{ يحكي مع النسمات والنجم بيساير

شو سر هالقنديل بالعشق سكران
---===000 {{{ حكيو الصبايا كتير عم يسمع وصابر

عليا شقية كتير فهمت الدوزان
---===000 {{{ راح شوف شو القصة عالفجر غامر

زينت وجها ولبست حلا الالوان
---===000 {{{ وقالو الصبايا همس ليش لاتخاطر

قرب الفجر صار القمر نعسان
---===000 {{{ ولحقت قبل مايفل بالحلم ويسافر

لك مين انت لاتعاكس الغزلان
---===000 {{{ صارت تروح وتجي وتعيد وتجاكر

قلا يسعد صباحك ياقمر نيسان
---===000 {{{ تاري قنديل المسا ال ناطرن شاعر

"""""""""""""""""""""""""""""""""""""""""""""""""""""
الشاعر السوري المهجري ... اليان سمعان ....