أنــا بكهكه ... بقلم الشاعر المبدع / إبراهيم بـدر

 

‫#‏انا_بكهكه‬

برغم الفقر أنا بضحك
وضحكتي عالية وبكهكه
بقول الشعر بفصاحة 
مع إن لساني بيتهته
وبتصنع انا السعادة
وكالعادة أقول وانده
على ضحكة مسروقه
في.. وسط الزحمة
على قلوب منزوعة
من الرفق والرحمة
على دنيا معانداني
وم الحلم دي منعاني
وقلت خلاص بلاش احلم
وشغلانتي صرماتي
وهدفن فيها حياتي
هو انالقيت غير الصارمة
تحن عليا وتسمعني
أنا أستاذ فى علم النحس
وبعمل في الفقر بحث
دا أصل الفقر بيني وبينه
عشرة طويلة وقديمة
وكل م اسيبه يصرخ
بأعلى صوت عليا وينده

ابراهيم بدر