(إعدام حبيب)… بقلم الشاعر المبدع أ / عبدالله السايح

…… (إعدام حبيب)… ..
يوم ماشفتك كان في ظني
إن يوم هتشيلي عني
كل دمعة نزله مني
وإن بيكي يبقى دمي
خالي من كل الظنون
اللي كانت جزء مني
عايشه جوه في كون حنون
كنت فاكر ظلم كل الناس عليك
وقسوة الأيام إليك
وإن حرمانك ماضيك
علموكي درس رافض للشجون
كنت فاكر إن دمعك في الليالي
وإن حرمانك كل غالي
وان ردك الإنفعالي
علموكي تبقي رافضه للجنون
وإن كاسك اللي ياما شربتي منه
وإن دمعك اللي ياما هربتي منه
وإن زمنك اللي تعبك منذ سنه
علموكي إن حبايبك في العيون
وإلتقيتك شكل تاني
حب قاتل للأماني
إبتسامته بتتولد من بين جناني
أرض بور مافيهاش حناني
مائه ظلم في الأواني
زرعه شوك يقتل ثواني
واللي ذاد في الهم جاني
إنه متسلط عشاني
زي جن بألف لون
سيف بيجرح في المشاعر
كلمه رمح في قلب شاعر
واللسان كالسهم واعر
يحرق الأحﻻم وهيه في سكون
يعني عمرك اللي فات
عقدة عايشه في الظنون
وإنتقامك فات وآت
وهوه موت قلبي الحنون
وكل ذنبه إنه حبك
وإنه مخلص للعيون
وإنت قاضي وكل حكمك
إنه يعدم بالطعون
يعني طعنة مش كفايه
حتى حكمك فيه جنون
…… ..(شعر)…… ..
عبدالله السايح