أمل مفقود .. بقلم الشاعر المبدع أ / محمدحجاج

أمل مفقود
واعدنى حبيبى فى حر الصيف
قعدت فى ضل شجره استناه
فات الصيف وجه الخريف
ووقع ورق الشجر
وأنا قاعده مستنياه
وعدى الخريف وجه الشتا
ببرده وريحه وصقيعه
وأنا برضه بستناه
قلقت وانشغل بالى عليه
دا عمره مااتأخر عن معاد
ياترى ايه أخره؟!
ياترى نسينى وهجرنى؟!
ياترى ايه اللى جرى له؟!
وكل ماأقلق أفتكر المثل:
طول الصبر يبلغ المنى
واقول أصبر ...واصبر
يمكن فى يوم يحن لى
واشوف الشوق فى عنيه
وانا مناى أشوف حبيبى
و تلمس إيدى اديه
بقلم:محمدحجاج