( لملمي جروح سنيني )... بقلم الشاعر المبدع أ / رأفت يوسف

..................( لملمي جروح سنيني )...... خاص بالمسابقة

ضمي فيا واحضنيني ..........
لملمي جروح سنيني 
اللي تعلم فوق ضلوعي
والسهام اللي في ظهري 
ذاد انيني 
خلفتها أيام عذابي فوق جبيني ...........
اه واه من جروحي
رايحه لدروبك دي روحي 
ياللي بيروحلك حنيني ................
لملميني لملمي جروح الغريب
خلي روحك ليا طيب 
وبحنانك اغسليني ............
جوه ضلعي سهم نافذ 
أفتحي كل المنافذ 
ونوري بلمسه ايديكي كل ليلي ......
روح وطله ورده هله 
هي روحك نفسي مشتاقه لضمه 
بيها انتي تلملميني .................
كلي محتاجلك ياعمري 
والجراح اللي صابتني 
م اللي مني ودمع عيني ..............
داوي جرحي 
وامسحي دموعي بايديك
دمي يجري في وريدك 
أحضنيني ...............
ليكي راجع 
جسمي مليان بالمواجع 
ضمي فيا وغطي جسم 
اتعري من غدر سنيني ..........
ضللي فروعك عليا 
من نسايم زهر بستانك خديني 
وبعبيرها عطريني عيشيني ...............
قلبي شايفك ورده حمره 
وسط بستان كله خضره 
طله روحك روح حنينها بيداويني ............
غصب عني توهت في الزحمه 
وخدتني توهتني ،،غدر ليا 
كان ملازم مش ناسيني ....................
بس راجع ليكي تاني 
مدي أيدي 
وانزعي سهام صابتني 
واحلفي اني ما افارقك وتسبيني ...............
،،،،،،،،،،،،،،،،،،،،،،،،،،،،،،،،،،،،، بقلمي / رأفت يوسف