الاثنين، 21 سبتمبر 2015

نويت أبطل سياسة (4) ::: بقلم الشاعر / محمد ضباشه




نويت أبطل سياسة (4)
محمد ضباشه
نويت أبطل ...... سياسة
وأشتغل فى البلد دى رئيس
أعيش لى كام سنة فى القصر
وأعبى الخيبة فى القراطيس
معجونة بمشاكل الناس
وبأسماء اللى ما توا فطيس
وأدخل التاريخ من ورا حافى
وجنبى صورة مقلوبة
وأنجازى وأعمالى متدونة
على كام ورقة معطوبة
وكام طوبة فى الصحرا بتلعنى
على كام يافطة مشطوبة
كانوا منورين أسمى
فى زمن الناس حقوقها مسلوبة
 
نشرت من قبل : همسة عتاب

0 التعليقات:

إرسال تعليق

الاشتراك في: تعليقات الرسالة (Atom)

إعلانات