شاعر الغلابه ::: بقلم الشاعر المبدع أ / محمد ضباشه

شاعر الغلابه
محمد ضباشه

أنا شاعر الغلابه
إبن الهرم والنيل
رضعت من صدر مصر
حب ماله مثيل
لونى من لونها
وبقيت زى الجبل ما أميل
كلمتى من قلبى خارجة
كضى للقناديل
ترسم بسمات محبة
لكل قلب عليل
وساعات بتكون حجر
منحوت بمطرقه وأذميل
أقذف بيه المفترى
وأرجع ألفها فى منديل
أكتب عليه أحتجاج
وله جناحات بتطير

لا اعرف أجامل رئيس
ولا أتقرب لبيه مسئول
ولا أعرف أزوق كلام
ولا الكلام بكتبة معسول
ولا أعرف لغة النفاق
ولا أرضى أعيش مسطول
غايب عن الوعى
وأقول السبب مجهول
كلامى سهم خارج
وعارف الهدف على طول
بيبعمل اللى علية
مهما الحكومة تقول
ومهما كانت حياتى
راضى بطبق الفول